Yo, wir san dou!

Yo, Segam is und ich fang glei oar,
des woar fir däi, däi's nu niad wissen, manche kenna mi ja scho.
Wos solle eich grouß song, ich bin mal wieder dou,
um me am Mic wieder fir eich aszutobm.
Ich mou eich echt lobm, und ich finds voll geil,
dase äitz doustäih und halt mal wieder fir eich style.
Unsere erste Blattn, is eitz krass herass,
also, kafft's ses eich schnöll, waalt's sunst wos verbasst's.
des garantiere Eich, dou gibe eich 100 pro.
waal d`Frankenbeitel genga scho noum ersten Track K.O.
Mir hom den Hammerflow, ober wem soge des,
ihr wisst's doch, wos dirt's vo uns gwernt sa derft's.
Dialektische Rhymes mit am geilen Beat,
des kinnt's eich merken, des is unser Gebiet!
Segam & Andi B. fir wos mir stänga?
mir san dou, um die Messlatten haicha zu hänga.

Yo, wir san dou und leng ständig nou.
Vo uns hom die Amis a as "Ou" in ihrer Sprouch.
Mir san däi, mit die Käih, uns kann koine wiederstäih.
Waal mir genga niard blouß gout ab, mir san dazou nu schäi.

Yo, Dou sagta wos da Bou und dou stimme zou,
D´Weiber san scho sur lästig, wai im Summer die Schnoung.
Ober äitz Spaß afd Seiten, und mal ohne Schmorrn.
Ohne uns war die Region doch, musikalisch verlorn.
Doch zum Glick san mir gout draf und machen scho das basst,
Und deshalb dade eich routn, dass'z unsre Blattn recht bal kaffts.
Dou habt's dann mal wos Gouts, des a schäi richtig flowed.
Des niard blouß ummanander flackt, wai a alter Hout.
Unser Herzblout steckt dou drin, und fir eich is a Gewinn.
Oft blous bläid dahergrappt und manchmal a mit Sinn.
Transportieren wir unsern Scheiss zumindest bayernweit.
Und wenns eich richtig daugt Is fir uns die gräisste Freid.
Wir stenger immer voll am Gas, wos anders kenner mir nird,
Vo uns gibts Hits das stabt, egal wäi's Weder wird!
Also macht's eich bereit, es kummt a geile Zeit,
Fir eich, fir uns, Wir machen Party heit!

Yo, wir san dou und leng ständig nou.
Vo uns hom die Amis a as "Ou" in ihrer Sprouch.
Mir san däi, mit die Käih,
uns kann niard jeder verstäih.
Ober mit Eich an unserer Seiten,
dou wird des scho gäih!



Feiern, Saffn, Abgäih

Feiern, Saffn, Abgäih, des kimma ziemlich gout.
Feiern, Saffn, Abgäih, des liegt uns halt im Blout.
Feiern, Saffn, Abgäih, doch mir kina nu vül mehr.
Feiern, Saffn, Abgäih, dann hurchz a mal g'schwind her!

Egal wos a immer abgäiht, Egal ob drin oder drass,
oins stäiht scho mal glei fest: wir hom immer unseren Spaß.
Weil mit unsern bläiden Gsoch mach ma jede Nacht zum Doch,
und wenn'z nu a weng zou hurch'z, kummt's a d'irts am Gschmoch.
Ob Euchkatzelschwoarf oder Stodldirldouer,
Lungahaaring oder einfach des Wort Grouar.
Dou kinnt's scho a weng seeng, Wai die Leit bei uns sur redn,
und unser Saugsoch iberall mit Stolz vertretn.
und desweng brachen wir a niard sur wos wai a Mainstream-Coolness,
wal alles, des wos goud is, eh vo uns is.
Denn wenn wir aufdrahn, dann gait die Party ab,
und wenn wir aufdrahn, dann gait da oina ab.

Feiern Saffn, Abgäih,...

Die zwoarte Strophen gäiht an alle diejenigen Rapaffen,
däi sölber nix anders raffen, als dem Chartrap nouzugaffen.
Boum, ich mou eich song, ihr sats ziemlich orm droa,
wal des wenn ich a mechert, dann fangate glei gouarniard erst or.
Machts halt mal wos neis, wai wir mit unsre Styles.
Däi mindestens sur abgenga, wai wenn i in d´Hursen scheiß.
Der beste Beweis, is scho mal dieser Track,
Dou wou alle andern zu uns song: Dou leckst mi fei gscheit fett!
A Brett in punkto Rap kinna alle dai kassieren dei wölln,
gäihts einfach mal nou Gumpen wou die Hund mit die Orschlecha bölln.
Denn glabt's blous niard, dass d'irts gecher uns wos reissts,
wal wir hom wos, wos d'irts niard habts: Oberpfalzstyles!

Feiern Saffn, Abgäih,...

As Mic in da oin Händ, in da anaran a Schräidl,
kam zu glam, sur genga mir ab, mir oberpfälzer Bläidl.
Und a Häidl hob i im Summer af, dasse ma d'Plattn niard verbrenn,
und oft binne Oumds sur vull, dass i an ganzen Namittoch verpenn.
Ob i renn oder niard, ich kumm immer dou hie, wou i wüll,
wal als g'standner pfalza Bou hout ma sei Zül halt im Gfühl.
Genau sur wai ma bei uns hackeprall nu locker hammfohrn koar,
dou häin normal die meisten, ihrn Lappn eh scho lang verlorn.
Sur bsuffen wei dai as die Wirtshaiser assa steiern,
ober a verständlich, bei uns gibt's immer wos zu feiern.
Ob grod a Sau gschlacht wird, oder da Sepp Geburtsdoch hout.
A Fouda Hulz in da Einfohrt flackt, oder oiner heiran mou.
Nu a Tipp vo mir: Versoucht's blouß niard gecha uns zu mucken
Denn Alter, ich back de zamm und steck di in a Guckarn!
Tja wir feiern uns selber, wal wir einfach die besten san,
wir feiern uns selber, wal wir einfach die graissten Drecksai san.
Denn oar Kou macht "Mou" und vül Käih machen Mäih
Und vül Mäih steckt a in da Mucke vo uns zwäi!
Um niard zu song: Wir san ganz schäine Hund af da Geing
Und gäiht's nou uns, dann werma des a nu wal bleim.
Denn oberpfälzer Rhymes, dei san ganz g'wis wos feins,
und wäi grod scho gsagt, in derer Form, a wos nogelneis.
Mund gerecht und bekömmlich san's wai drei Pfund Leberkaas,
und desweng is des bläide Gsoch a nu niard a sur bal as.
Mir stenga zentnaschwar am Gas und genga voll nou vorn,
wal hinter da Eckbänk hom mir zwoa nu nix verlorn.
Denn dou flacke häichstens um und schlouf ganz schnell ei.
Desweng kummt vo uns läiber nu a ganze Litanei!

Feiern Saffn, Abgäih,...

Hey Yo, wir rappen über den Track mit unserm Kouslang,
und desweng stert's bestimmt a koin, wenn ich eitz nu oin oihäng.
Wal wai da Cheef sei Suppm dou ich dern Text mit Gsocha wirzen,
Dou brache scho beim ersten Entwurf koi Wort mehr assakirzn!
Da Beweis is erbracht, dass a unsre Sprouch flowed,
wo's mim Andi seiner Mucke a mehr als unbestritten dout.
Sur verhölfen wir dem Haadeppentum zu lang verdientem Ruhm.
Und zeing Eich an neier musikalischen Konsum.
Also, macht's a Fassl af und safft's mal g'scheit oin draf.
Bevor dassd's blouß ummernandsteit's und schaut's wäi da Maalaff.
OK, ich kanns verstäih, da oine oder andere is äitz baff.
Wal endlich kummt a goude Mucke a amal as unserm Kaff.
Ich hob äitz Bock af a Baier, desweng herma äitza af,
ich hoff es hout Eich Spaß g'macht, mit unserm bläidn Gwaaf.
All dene anarn mecht i song: Sollt eich unser Style niard daung,
mir hom wos in da Hursen, und dou kinnts a mal droa saung!

Feiern, Saffn, Abgäih, des kimma ziemlich gout.
Feiern, Saffn, Abgäih, des liegt uns halt im Blout.
Feiern, Saffn, Abgäih, hey mach des Fassl aaf!
Feiern, Saffn, Abgäih, dou kannst oin louer draaf!

Feiern, Saffn, Abgäih, des kimma ziemlich gout.
Feiern, Saffn, Abgäih, des liegt uns halt im Blout.
Feiern, Saffn, Abgäih, des dain ma immer zou,
Feiern, Saffn, Abgäih, ober aitzer is a Rouh!



D'Vullsau

Leckst mich fett, Sunnta Fraih wach ich auf,
Alter, hob ich einen Schädl drauf.
Mit an Blick nou links wire ober erst richtig wach,
wal anstatt an Wei neber mir, a Vorfahrtsschüttl flackt.
Klamotten hobe a nu oar, wunderboar,
Ich schau auf mein Wecker und es is scho 10 nou zwoar.
Wei binne denn iberhabts hamm kumma,
wos geiht denn eigentlich ab,
und wos me nu vül mehr interessiert,
wei vül Halbe hob ich g'habt.
Naja, wos soll's, ich steih aaf as meim Bett,
wobei's me ober wieder sofort af d`Fressen legt.
Wei'e sur douliech, schau'e me erst a mal um.
Zefix, wos doud denn dou des Zaunlattl am Burn.
Dann kreiche zum Kanapee wou'e mein Geldbeitl siech,
dou schaue a glei ei und moin mi drifft da Blietz.
200 Euro worn dou drin, mei bin ich ein Depp,
schein's hout me wieder sur a Schnalln in d`Bar mitgschleppt.
A scho Wurscht, vom Rätselroun hobe aitz g'nouch.
Ich brauch sofort mei Handy, dese grod flouchend souch.
Endlich dou is, mir kummt scho glei da Kimmel,
Schnell Nummer vom Andi eigwirgt, kurz g'wort: aitz klingelts:

"Ja", mölt se dann endle a voll versoffne Stimm.
"Dere Andi, ich bins, ich ho an Riss im Fülm."
"Wos?! Du Depp! Dass de Du iberhapts nu oaroufn draust?!
Du houst Di gestern afgfaiart, da Sau haits fei bal graust!"
"Ja Sorry, Mann, des doud ma leid. wos houstn fir a Gschis?!
Vüll anarscht kanns doch a niard gwen sa, als sunst immer is."
"Naja, wai mas sigt, mir houts jednfalls gscheit glangt.
Niard blous in meine Aung wor des gestern allerhand!"
"Is scho guart, Moister, wos wor denn dann sur lous.
Langsam wire neigirig: also asser mit da Sprouch!"
"Oargfangt hout ja alles, ziemlich ganz normal,
zum Virgleia homa uns a boar Baia ghult, drass an da Aral.
Dann samma ind erste Kneipen, doch dou worma niard lang drin,
wal da Herr hout ja sofort an Wirt dou drin oargstrin."
"Ja mei, des kann bassieren, wos homma nachat dou?"
"Mir san af sur a Party, vo irgend a sur Kou.
Erst woar alles einwandfrei und du houst goar niard gmuckt
Dann houst oiner af da Danzflächen d`Latten hint ei druckt.
Der hout des goar niard daugt und dann houts a schnell batscht.
Des maissast eigentlich heit nu seng, sur houts da oine klatscht."
"Wos echt?! Ober walst das sagst kannes gout verstai:
Desweng doud ma d`linke Seiten vo da Fressen heind sur wai."
"Als ihr Freind dann kumma is, homa di gschwind verammt,
der hait di am laibsten ungspitzt vor Wout in Burn eigrammt."
"Der war gwies koar Problem gwen, wosz na furta habts.
Sur a Kasper wei der oina woar, is bei mir verratzt."
"Oba moina kannt ma scho, dir homs ins Hirn eigschissen,
drunt im Keller, houst dann nämlich alle Flaschen zammagschmissen.
An goudn Wein vo ihre Eltern, mei, woars um den schod,
Alse des gseng ho, hobe gmeunt mi trifft galing da Schloch!
Dann homa dou also a wieder gai kinnt und san af sur a Fest."
"Ich glab des woisse nu, erzöhl mal gschwind an Rest!"
"Vül kanna da niard song, wal ab dou woars ma dann egal.
Mit irgend a sur Blondn hobe di dann gseng as letzte Mal."
"Wos? Wei hout dai asgschaut, des dat mi eitz scho jucken?"
Naja, wos ich sur gseng ho, woars aitz niard grod a Barbiepuppen,
ober Dir woars Wurscht und ich ho endle mein Rou ghabt.
Wai gsagt, des wor as letzte wose vo Dir woiss in dera Nacht.
Halt na, irgendwenn hobe die numal nackat ummaflitzen seng.
Dou hobe ober mal sur dou, wai wenne di niard kenn."
"Des hoisst Du woisst a niard waie ham kumma bin?"
"Na koin Plan, ober wennst das asserkreigst dads mi interessiern.
Also, ich mou aitz afheiarn, mou nu a weng wos dou,
Dann winsch da nu an schäin Sunnta und rou de as mei Bou!"
"Dou des, Haberdere", soche. Leicht verschamt lege dann af.
Vielleicht wor des des Wochenende doch a wengl z`gach?!
Denke nu kurz bei mir, ober nächts Mal binne dann brav,
vergiss des wieder und mach mei erste Konterhalbe af.
As nächste Wochenend kummt gwies, ich gfrei mi heind scho draf...



Schöllzeit

Tja, wos solle grouß erzölln, damals wors halt einwandfrei,
des wor einfach sooo geil, dasse mi selbst heid nu driber gfrei.
Aafgfaiert homa uns damals wei die roudn Hund,
sur das manche scho gmoind hom, mir laffen niard ganz rund.
Hout oiner wos gsagt, hout uns des niard gstert, ganz im Gegendal,
denn dann homas kurz draf nu krasser driem, wei as letzte mal.
Umma koffert homma, sur dass die Bude graucht hout,
doch gschammt homma uns nie und a niard fir unser Saugsoch.
Die Themen san damals ganga vo A wie Anal bis Z wei Zipfl,
und wos dou alles nu dazwischen gem hout, des wor einfach da Gipfl.
Dou homa uns driber gfreit, wei die Schöllboum, mit unseren boar Joahrn
dei ma ja damals im wahrsten Sinn des Wortes a worn,
Doch die Zeit is verganga und a wir san älter worn,
und die meisten vo uns san ind Weltgschicht asse gfohrn.
Aber jeder denkt gern zruck und erinnert se wais woar,
Und wennz eitz d'Aung zou machts, dann herts vielleicht numal des Gschroar...

D'Schöllzeit wor voll geil, doch die Schöllzeit is vorbei.
Alter, wai gern denk ich dou oft zruck. Oh mei, oh mei!
Doch alles gait weiter und a eitz is alles geil,
ober war des damals niard gwen, dann dat mir heit wos fahln.

D'Lehrer hom blous mim Kurpf gschiedlt, gschimpft und gfloucht,
und mei Freind hobe damals glei gfuna ghabt und niard lang gsoucht.
Vül davor hobe kenna glernt beim Rauchen in die Bisch,
Und ab und zu hom uns dou natürlich a die Lehrer mal dawischt.
Eigentlich wors uns Wurscht, wal gmacht homs e niard vül.
As nächste mal samma dann halt einfach ganz wou anarscht hie.
Wei beispielsweise unte iberd Strouss zur guadn alten Sausen,
dou homa die Zeit gout umme broucht a asserhalb der Pausen.
Drei Beier, drei Schnaps und die Gaudi wor perfekt,
sur hout ma dann mal locker a zwoar Freistundn iberbrückt.
Mit an trimmarts Seier in da Fressen samma dann wieder zruck.
D'Lehrer homs entweder nicht mitkreigt oder sie houts niard wirklich gjuckt.
A weng ruicher woarma dann nämlich scho und des hout ihnen daugt.
Af jeden Fall homa uns sur des öfteren mit Alk vul gsaugt.
Gschat houts nix und da oi oder andere hot des gwies a braucht,
sua san die meisten Raffereien in Wohlgefallen verraucht.

D'Schöllzeit...

Experten woar ma scho, des mou ma af jeden ganz kloar song.
Sur häin uns manche am läibstn mim nassn Handdäichl daschlong.
Mit unara Goschn wäi an Schwert, homma D'Leit ganz schäi gnervt,
Und sur woar fürn oin oder anarn, da Verweis scho mal verschärft.
A Privataudienz beim Chef woar gefürchtet und verhasst.
Des hout wirklich koin sur richtig in sein Tagesablauf ei basst.
Danou um drei Kepf kirzer, ober scho bald wieder vergessen.
Hout ma dann scho glei draaf wieder, as nächst Stickl asgfressen.
Bsonders daugt hout uns da Lehrerwechsel zwischer i die Stund
Jedoch woar des fir manch oin bestimmt niard ganz gsund.
Dou san Jacken as die Fenster gflurng und Leit durch die Wänd
Wos zur Folge ghabt hout dass ma glei wieder zum Direx rennt.
Glernt homa niard vül und vor allem niard vül dazou,
die gleichen Föller immer wieder gmacht, doch niemals woar a Rou.
Koiner hout se vo uns recht odou, was irgendwann spata a mal wird
doch jeder is sein Wech ganga und des is des wos zöhlt.

D'Schöllzeit...

A typische Szene, mal wieder af Unterricht koin Bock.
Im Prinzip samma eh blouß, dass ma Zeit umme kreing, drin ghockt.
Alles anere im Kurpf, blouß niard des wos der dou vorn sua red,
homma uns mit besten Sperglamentarn immer selber a weng o glenkt.
Da Depp hinter mir zaigt an mein Stöll, ich halt mi fest,
alse me wieder umdrah, flackt scho da Leberkaas in mein Heft.
Natürlich mou ma dou zruck schlong, dou brache mi eitz niard verstölln.
Man hout blouß as richtige as seine Waffen aswöhln main.
Vo Zwiesel bis Spuckreilar iber Wasserpistolen homma alles ghabt.
Und niard dassz denkst ner in da 5., na, a nu in da 13. Klass!
D'Weiber homma damit niard beeindruckt, wer heit des a dacht.
Ober trotzdem hout eigentlich jeder vo uns immer a weng oine ghabt.
Wal a wenn's sua dou hom, als warn mir auf da Brennsuppm daher gschwuwmma
Sans doch immer wieder in die Pausen bei uns vorbei kumma
Is wais wül, as Abi selber homma dann a relativ locker gschafft
Sur wos nemma wir halt nembei mit, Alter, des war doch glacht!



Lagerhaus

Alter, kumma mir in Dei Lagerhaus,
ich garantier Dir, mir ramma Dir Dei ganz Lager aus.
Dann is'er aus der Traum vom Lagerraum,
wal wir brauchen vül Blotz um unsere Stylez zu verstaun.

Sua is des mit uns, san mir dou, gäiht's ab
und wer's niard glabt, Mann, der houd Pech ghabt.
Wir halten Eich af Trapp mit unsere Tracks,
fir däi kräing ma suagoar vom Pforra vo Leigas Respect.
Mir hom sua vül Styles, damit fäittarn ma scho die Sai
und däi keia bei uns galing die ganze Wochen ei.
Vo Juni bis Ende Mai san wir krass am Start
und hom knallhoarte Beats und Lyrics parat.
Ein wahrer Ohrenschmaus für Jung und Olt,
ob in der Nordoberpfalz oder im Bayerischen Wold
knallen die Boxen bis am End die Membran zreisst
und a jeder af der Schissel im Rhythmus scheisst.
Denn unsere Mucke is wäi Liebe, däi gäiht durch'n Mong,
gäiht eine durch die Leffl und fläisst durch'n Krong,
gäiht unte in ganzen Kerper, ober niard af die Niern.
Also, drah auf, louß bleschn, Mann, brachst Di niard ziern!

Alter, kumma mir...

Mir san schärfer, schärfer als da schärfste Radi
und san 100 pro der Bringer auf jeder Party.
Bei uns is Gaudi koa Fremdwort sondern Pflicht,
wäi beim Koarten da Ober an Unter sticht.
Desweng is bei uns a niemals Schicht im Schacht,
wal wir hom des wos heidzadoch a jeder bracht.
A wenn'ses nu niard wissts, des is uns Wurscht,
wal Bäier safft ma a niard blouß gechern Durscht.
Selbst da Mallinger mit seim Hagelstecken
draht bei uns sauber durch bis zum Verrecken.
Korrekte Mundartpflege mit Elektrobeats,
däi wou voll mitten eine genga, voll in's Gfriß!
Und wem's niard langt, mir leng ständig nou,
wäi da roudbackerte Bauernsfünfer as Hah fir d'Kou.
Desweng is gwieß koa Rouh bis as letzte Mic vergläiht
und a jeder anere Hahdepp am End vo sölber gäiht.

Alter, kumma mir...

Unser stylischer Dialekt basst iberall perfekt,
wal mit derm mach ma as Kraat erst richtig fett.
Vollkommen korrekt und mit iberhabst koin Zwang
lebm man as unsern oberpfälzer Sturm und Drang.
Und stäiht oiner glangwalt um, bei unara Show,
Alter, dern hölfen mir scho ei in d'Schou.
Daugt's da besser bei anre, dann gäih halt zu dene,
bevor dass'd a Fressen zäigst wäi da Lätschenbene.
A wenn uns da Rest der Welt wohl niard verstäiht,
merkt doch a jeder wäi goud unere Mucke abgäiht.
Denn bläide Gstöller reissen und Saugsocha bringa,
des is des, wos mir immer scho am besten kinna.
Manch Houchdeitscher moch se denken:
"Ja, die zwei Deppen, die sind ja wirklich nicht mehr zu retten!"
Da habt's voll recht Dirts Preissndoutschn!
Dirts Kaspern kinnts uns mal die Schou afbloußn!

Alter, kumma mir...



Woldbrouda

Ich stäih fräih af, d'Sunna brennt scho unter,
nimm an Schluck vom Bäier und scho bin'e munter.
Denk kurz nou und schau, wos'e sua alles brauch.
Denn äitz gäiht's ab in Wold, ich gfreih mi wäi a Sau.
Ohne Hulz und ohne Baim kann ich einfach niard bleim,
wäi ohne Sunnaschein und ohne an gouden Rhyme.
Anere Deppen heidzadoch bringa se selbst in Grob.
Denk'e blouß an dene ihr Gsoch, versau'e mir an Doch.
Wollen blouß alle as Göld und seng niard däi schäine Wölt.
Doch ich brauch wos anarschts, des mi am Lebm hölt.
Ich mou fuata asse, des is fei gscheit krass, ey!
Brauch a gscheite Schwammabräih, alles andere is mir Latte.
Denn derne ihr Saft, der gibt mir mei Kraft,
vül mäinara wäi wenn'e blouß an a Kippen paff.

Ich bin a Woldbrouder, kumm as'n Wold, Brouder!
Kumm as'n groussen, gräina, täiffm, weiten Wold Brouder.
Ich bin a Woldbrouder, gäih gern in d'Schwamma Brouder.
Mir san die Woldbräider!
(Däi Schwamma san da Hammer!)

Also lous gäiht's, back mei Messer, nimm mei Kerbl,
spül ma gschwind nu oin mit da Fünf-Finger-Bärbel.
As Herz hupft af und o, ich renn numal gschwind af's Klo,
denn vor lauter Aufregung pflädder'e mi fast scho o.
Endlich affe af's Radl und ab in Richtung Wold,
ich spiehr däi goude Luft und triet ei mit voller Gwolt.
Triff an Lagerhaus-Chef und soch gschwind Haberdere.
Wos der nu vo mir wüll? Ich ho koa Zeit, des iberher'e.
Ich mou zu mein Schwammablotz, dou hülft äitz alles Nix.
Leit, segt ses halt bitte ei! Kreizkruzefix!
Bald bin'e dou und dann gäiht's richtig ab,
wenn'e die ersten Euaschwammala oder Routkappen kapp.
A Marone und Stoabülsen samml'e alle ei
und a Fette Hehna und Sandbülsen kei'e saugern ei.
Des is alles des, wou'e mi sakrisch driber gfrei.
Wäi gsagt ich nimm's blouß mit und butzen mou's mei Wei.

Ich bin a Woldbrouder,...

Yo, an alle unsere Leit däi Message äitz:
Wenn's Eich langwalig is, äitz wisst's wos'ds däitz
und wenn's Hunger habts, wisst's wos'ds fressen mäitz.
Mir zeing Eich wou'ds dazou am besten hiegäihts.
Wir wollen ja niard, dass Dirts wos asläits,
des war ja wirklich wos beschissen bläids
und bevor'ds vor lauter Geilheit an an Bitterbüls leckts,
gäiht's äitz erst mal wieder weiter im Text.

Einwandfrei Andi! Es is nimma weit.
Ich her nämlich scho wäi da Nussgackl schreit.
Koa alte Sau mehr weit und breit,
herrlich, dou fühl'e mi glei voll befreit.
Desweng zäich'e me nackat as und spring a wengl um.
Wäi gsagt, koina is dou und sua nimmt's ma nemats krumm.
Als'e me asgspunna ho, dou sir'es af amal,
mitten schäi im Moos, wäi da haliche Krahl,
stäiht a Stoabüls, wunderschäi und guad gebaut.
Vo die Schnecken nu niard zammgfressen, mit einwandfreier Haut.
Dou fackl'e niard lang um und schneid'an o.
Schau'an genauer oa, am läibsten fress'aden glei roh.
Blouß bleibt ma da Schnobl drucken, sua einfach gäiht des niard.
Wou kammat ma denn dou hie, wenn jeder fressat wos'a sird?
Also, ei backt wird'a und sua wern's immer mäinra,
bin scho zwoa Stund unterwegs und mi Nerven scho die Bräma,
ober an asgfuchsten Hund dern bringt nix as da Rouh.
Ich bin nämlich a Woldbrouda und niard a Woldbou.
Hou, Hou, Hou, wird dou äitz mancheroina song.
Sakradi, mei Kärbl, ich koa's fast nimma trong.
Vull mit lauter Schwamma, äitz glab'e gäih'e hamm.
Ha! Die Alt mouß äitzat butzen, ich glab, däi haut me zamm.
Wieder gäiht's af's Radl und die ganze Gschicht retour.
Mei woar des äitz schäi, Naturerlebnis pur!

Ich bin a Woldbrouder,...



Wos mir daugt

Wos mich nervt is, wenn'e Houchdeitsch redn mou an ganzen Doch
und oumds dann endlich hamm kumm und mei Fernbedienung souch.
Mi regt af, wenn im Fernsehn blouß Scheissdreck kummt
oder wenn'e rappen wüll und ho koin Beat der gscheit brummt.
Af'n Doud hass'e, wenn's immerzou blouß schneit und schifft
und ich doch asse gäih und statt netter Leit blouß Oarschlecher triff.
Scheisse is', wenn'e Hunga ho und koina macht ma wos zum Essen,
mir dann ober wos kaffm wüll und ho mein Göldbeitl vergessen.
Wos mi a richtig stresst is, wenn mei Freind auf Parties randalieren
und ich sitz immer nu schäi gepflegt bei meim vierten Bier.
Ich back a niard, wenn die Alt sagt: "Na, äitz moch'e ober niard!"
Natürlich mou'e dou dazou song, dass mir des nie bassiert.
Wou'e fett ausflipp is, wenn'e a boar Doch koa Internet ho
und dann doch endlich Emails check und da Browser kackt o.
Extrem krass gäiht ma auf'm Sack, wenn'e sakrisch fräih afstäih mou
und dann feststell ich ho d`Scheisserei und koa Klopapier is dou!

Ja, sua is' af derer groußen Welt. Wos soll ma dou scho dou?
As beste is niard stressen loua und immer mit da Rouh.
Sua schlimm is' manchmal goua niard, des red ma se blouß ei.
Also, einfach an Gang zruck schalten und immer locker bleim.

Dageng is ma Wurscht, wenn nou a Poarty mei Hursen zrissen san.
Ich ho nämlich a goude Mutter, däi naht's ma wieder zamm.
Ich her scho goua nimmer däi Frouch: "Wäi bringt ma an Oberpfälzer zum Bellen?"
A wenn's manche Leit niard z´bläid wird, däi immer wieder zu stellen.
Am Oarsch gäiht ma vorbei, wenn sua a Saupreiss moint, er kannt uns dissen,
wal ich mach oamal as Maal af und sei ganz Arrangement is zerrissen.
Eigentlich langweilt's mi ner, wenn manche Leit Rap-Mucke niard daugt.
Des bewirkt eigentlich ner, dass'e a weiterhin an neie Beats schraub.
Mir is' sowos vo egal, ob äitza Aschermittwa oder Koarfreita is.
Bei mir kummt a mit Sicherheit dou da Leberkas am Disch.
Ich scheiss ma a nix drum, wäi d'Ossis unsre Weißwirscht fressen.
Ob ses grülln, broun, frittieren oder sunstwouhie eistecken.
Wos anere Leit iber mi denken, des loud mi völlig kalt.
Des is für mi wäi wenn irgendwou in China a Radl umfallt.
Mi juckt's a niard, wenn's in meiner Wohnung ausschaut wäi a Sau.
Aframma und butzen is niard meins, ich bin doch koa Frau.

Ja, manches is uns Wurscht oder ziemlich scheissegal.
Warum sollt ma uns grouß afreng? Dafir san ma vül zu faal.
Es gibt ja nu ganz aners Zeich, Leit, ich kann's Eich song.
Dou kannt ma wirklich ab und zu mehr davor vertrong.

Wos mir daugt is, wenn Franken oafanga unsre Texte mitzurappen.
Bald wern's nu mäinara checken und se die Finger nou uns lecken.
Voll ab gäiht ma oiner bei a ganzen Hart nackate Weiber.
Doch kummt des allerdings niard allzu oft vier - leider!
Im siebten Himmel bin'e bei ALL YOU CAN EAT bei meim Zoiglwirt.
Einfach mal sua vül fressen und saffen bis ma schlecht wird.
Verliebt bin'e in Bayern, die Oberpfalz und unsern Dialekt
und natürlich in unser Label Hawkhill Records mit Sitz in Falkaberch.
As Herz schlagt ma häicha, wenn unsre Mucke gspült wird ganz laut
und wenn ma bei Konzerten a gscheite Crowd hom däi wos daugt.
Voll affe haut mi, wenn'e mal richtig feier, saff und abgäih.
A Poarty im Oberpfalz-Style zu rocken, oh Mannsen, is des geil, ey!
Mei Familie, Freind und Freindin san die wichtigsten Leit in meim Lebm.
Dou kummt ma a nix driber. Wos kann's a bessers gebm?
Und as allerschäinste, natürlich wäi immer schäi am Schluss:
Die nächste Blatten afnemma, des warat ein Genuss!

Ja as Lebm is manchmal wirklich schäi, dou kannt ma umma springa,
an ganzen Doch genießen und sei Lieblingslieder singa.
Dou wüll ma goar niard afhern, dou is alles voll im Fluss,
alle Sorgen san vergessen, wäi wegbloußen da Verdruss.



Oberpfalz-Style Rulez

Ölf, zwölf; ölf, zwölf, drölf!
Soch mal "Habadar" und soch mal "Ou"!
Des is die galste Oberpfalzshow.
Yo, ich kumm as'n Landkreis Dirscharath, dou gäiht's voll ab
und Preissen san sua oi, däi'e iberhapst niard back.
A wir hom Mics und niard blouß Käih.
Hurchts zou, machts Eich locker und bleibts a weng stäih!
Bei uns gibt's fir jeden wos, wos wir spühln,
entweder passend zum reutteln oder oumds zum grülln.
Ich text einfach draf lous, des wird scho gäih.
Kummst niard as da Pfalz is' halt schwar zu verstäih!

Oberpfalz, uh uhuuhh
Oberpfalz-Style rulez, uh uhuuh
Oberpfalz, uh uhuuhh
Oberpfalz-Style rulez, uh uhuuh
Oberpfalz is geil!

Houds Dirts iberhapst an Plan wos bei uns a weng sua rockt?
Mit wölchener Alten grod da ander wieder poppt?
Und woisst Du wou iberall die geilste Party gäiht?
Meist in Dirscharath, im Ort vo unsra alten Schöll.
Ober trotzdem is bei uns alles niard sua leicht, mei Bou.
Ma mou scho bis af Weiden fohrn, fir a boa neie Schouh.
Doch suawos steckt unser oins af jeden locker weg,
wal wir lebm ja af derer Wölt am allerschäinsten Fleg
und oins zeichnet uns gegenüber dem Rest vo Deitschland as:
Im Norden essen's Fisch und wir fressen Leberkas!

Oberpfalz,....

Im Summer is' am galsten af da Kipp um zu flacken,
um a weng zou zuschaua wäi die Ärsch a weng sua wackeln,
um a weng bläid zu redn und a Round im See zu drehn,
um dann völlig relaxed an Hammweg oazutretn.
Daham wird dann bläid gschaut und da Zipfl a weng gwaschen,
vielleicht nu a Stund gschloufm und dann wieder eine in die Latschen.
Denn oumds gäiht's immer weiter, des is ja völlig kloar,
wal nou sua an schäina Namittoch bleibt koiner gern alloa.
Entweder ab in d'Zoigl, oder af irgenda schäins Fest
d'Haptsach wos mit Bäier, und an gscheiden Gfress!

Oberfalz,...



Woundra Koundra

Woundra, Koundra, Dirscharath,
Läiwarak, Neialbarath,
Falkaberch, Steuna Säch,
Marng, Bärnau und Friedenfels.
Walderschuaf, Pullnrath,
Neusorch, Ebnat, Riglasrath.
Ermdorf, Letten rockt!
Midadeich und Tschitschalboch.
Wiesa, Schäifeld, Träimdorf,
mei is des ein bläids Gsoch.
Hoarfmühl, Leigas, Muhagl,
Wülnau und a Neistadl.
Waldsassen, Bernstoi, Kammeramühl
und as Bergvolk as Fuchsmühl.
Kulmain, Neisorch, Krummano,
Thumsarath und Muckendohl.
Boxdorf, Napfberch, Köhlerlou,
Vettenthan, Houawold,
Rounbirch und a Grindlboch.
Sua hom'a Runde eins scho umme broucht.

Kurnthan, Bechprunn, Hatzarath.
As Lagerhaus in Kirchdemmarath.
Pleissen, Stoamühl, Hurfdeich,
Premarath, Minschgräi, Urberdeich,
Wurz, Schäifäicht und Wöllershuaf
und as Griartscharatha Schluaß.
Und in Lengafeld und Beidl,
ich glab, dou drink'e nu a Seidl.
Pfaffarath, Müncharath,
Wernersrath und Zirkarath.
Hundsboch, Herzogäid.
Bei sua vül Nama wir'e bläid.
Waldeck, Kemath, Zipfelsdorf,
Pressath, Konnersrath, Schwoarzaboch,
Buanrath, Thoa, Pirk, Gumpen,
wou d'Weiber Scheisse pumpen.
Münchsgräi, Pläissberch, Finkenstich,
Ellafeld und Bäichlberch.
Leigas, Schäihoid, Salasrath,
scheissen efter ei in's Graat.

Weiden, Theisseil, Etzaricht,
Väichta, Parkstoi und Schirmitz.
Vouastrauß, Schwoarzafeld,
gem'ma mal a weng weiter weg.
Weiding, Pfreimd und Schönsee.
Nabburg und a Bodenwöhr.
Niedermurach, Nittenau,
dou kenn'e fei koa alte Sau.
Schwandorf, Trausnitz, Winklarn,
Wernberg-Köblitz und Hirschau.
Freihung, Hahnbach, Houaburg,
Hirschboch und a Kümmersbruck.
Wackersdorf: Wunderbar!
Zum Glick stäiht dou koa WAA!
Kastel, Königstoa und Rieden,
Popparicht und a Schmidmühlen.
Furth im Wold und Vilseck.
Etzelwang und Freidenberg.
Neitraubling plus Riekhofen,
dou is'a aus da Ofen.

Rengschburch, Hauptstod: Party pur.
Neistadl, Neimoarkt gäiht scho sua.
Cham, Auerboch, Woihaus,
Schneitaboch, Roding, Chamerau.
Amberg, Sulzboch-Rosenberg,
kummt dou niard as Topmodel her?
Berching, Parsberg und Velburg.
Freystod und a nu Dietfurt.
Bad Kötzting, Waldmünchen, Rötz.
Hom'a niard bal alle äitz?
Hagelstod, Hemau, Eschaboch,
Wörth und Maxhütten-Haidhof.
Groufawöhr, Pleystoi und Teiblitz.
Tremmersdorf, Speinshoart und Trabitz.
Neunburch, Störnstoi, Ircharieth,
Mantel, Moosbach und Bechtsried.
Floß, Stulln, Teunz, Thanstoa,
Fensterboch und Schwoarzaboch.
Burglengafeld und Sengathol.
In da Oberpfalz fühlen wir uns wohl!



Kreizkruzifix

Ja Kreizkruzefix, wos gäiht eigentlich mit Eich ab?
Texts wen anarscht zou, ober gäihts niard mir am Sack.
Jaja, scho goud, dou bracht ma äitz koina beleidigt sa,
macht ses as nächste Mal einfach besser und ois is wunderbar.

Vielleicht gäiht's Eich sua wäi mir, manchmal kotzt me alles oa.
Manchmal hob'e sua d`Schnauzen vull am läibsten rennad'e davor.
Jeder houd sei Kreiz zum drong, dou bracht ma koina wos verzölln.
Blouß a boar Deppen moina sie kumma fett, wenn sa sich die ganze Zeit verstölln.
Gschichten erzölln däin's, wos' sua treim die ganze Zeit,
bei manche moch des Eindruck schinden, däi san gwieß blass vor Neid.
Doch Boum dou sat's bei mir falsch, Ihr stöllts ma blouß mei goude Zeit.
Also, gäihts zu irgendwelche anern, dann hom wenigstens däi mit Eich ihr Freid.
Mir bracht koina wos beweisen, wal mi interessiert's an feichten Schieß.
As oinzige wos mi wirklich interessiert, is vom Andi a geiler Beat
und dou davor houda reichlich, dou back dann ich mei Gsocha draf.
Also, hurcht ses Eich oa, bevor'ds wieder zu mir kummts mit Eiam Oarschgwaf.

Ja Kreizkruzifix...

Eire Ratschläch san genausua brauchbar wäi Eire bläiden Gschichten.
Däi langwalen mi ohne Ende und wos wollt's iberhabts damit asrichten?
Dafir sorng, dass'e sua abgäih und sua dahileb wäi Dirts alle mitanand?
Oder einfach, dass Eich mal oiner zouhurcht, wal'a nimmer as kann?
Ihr sats die Besten, die Krassesten und die Coolsten, ich glab's Eich ja.
Letzts Jouar houst des gmacht und heier des, frale, des is mir scho ois klar.
Ich kumm fei ganz goud alloi zrecht, des wirst ma Du kam glam.
Dou Deine Ansichten wou's da Sau graust halt bittschäi wem anarscht afdrahn.
Erzöll's Deiner Mutter, Deiner Oma oder vo mir as a an Rangersnsepp,
wal der Typ wenigstens frouch is, wenn iberhabts mal irgendoiner mit ihm red.
Des is ein Gfrett mit eng Experten! Wos soll ma dou grouß nu machen?
Am besten geng ma glei zum Refrain iber: Andi louß mal krachen!

Ja Kreizkruzifix...

Dou dazou fallt mir nu oiner ei, däi wou nan kenna, wissen genau wen'e moin.
Der Depp reisst die ganze Zeit sei Fotzn af, ober Plan houda koin.
Draht se wäi's Fahnerl im Wind und legt se alles zrecht wäi'as bracht.
Red jeden blouß saubläid vo da Seiten oa, ober kennt se sölber niard as.
Er moint, er houd an ganzen Oarsch vull Style, dawal stinkt'a wäi a Sau.
Manchmal häit'a mi fast sua weit, dass'en a boar af sei Goschen hau.
Ober nitzen dat's halt nix, wenn'a ma mal blatzt mei Krong,
des is nämlich oiner vo der Sorten, dou mousst as Maal extra nu daschlong.
Alter, eigrom kannst'e! Verstecken dad'e mi mit sua a Lätschen.
Manche bezeichnen sua an Hampara, wäi Du oiner bist, als Gesichtskrätschen.
Dou kinn's ma verzölln wos'z wollts, für mich houd der Typ an Volldatscher.
Desweng is'a und bleibt'a in meine Aung halt a a stinkerta Zipflklatscher.

Ja Kreizkruzefix...



Schauts vorbei

Unsre Lieda san für Bauern, däi mim selber gschnitzten Hulzleffel fressen
und a fir Leit, däi d'Ironie in mancher unsra Tracks ochecken.
San fir däi, däi in unsara Muse blouß a fetzen Gaudi seng
und a für sechane däi's häiarn und dann a wengl iberleng.
Wir machen's für alle Oberpfälzer, egal wou's in da Wölt grod lebm,
derne wir sua einfach a Stickl Heimat in d`Wölt mit asse gebm.
Obt's nu jung sats und nu ummerspringts, wäi a kloins Beckl
oder ob Eich da Doud bal huln wüll und scho ummerluat ums Eckl.
A wenn's oarm sats wäi da Beddlsepp oder zum Stinken reich,
gäiht uns völlig am Arsch vorbei, mir stylen für alle gleich.
Wir rappen für Gstudierte, Oarbeiter sowäi fir Vollproleten,
däi se d`Autos däifa leng, dass Di wirkle frougst: Wos gäiht'n?
A fir sechene, däi eigentlich goua koa Rapmucke hern,
sondern läiba dazou rocken, wenn oi zu a E-Gittaren rörn.
Unsre Mucke is für aufrichtige Moidla, Schnallen und greissliche Schabracken
und a fir Typen däi ses schäi saffen wollen und dann im Vollsuff ummaflacken.
Ganz Bayern mecht ma damit erreichen, suagoua a die Franken,
wal wäi sagt ma halt sua schäi, man soll Gott fir ALLES danken.
Und vo mir as sats a Preissn und Eich daugt unser Zeich,
dann san mir die Letzan däi dou song: Schauts, dass Eich fei schleichts!

Also, schauts a mal vorbei bei myspace/segamandib
oder einfach bei unserm Label hawkhillrecords.de.
Dass bei uns fett wos gäiht, hey Leit, des kinnt's fei glam,
wal mir ren niard blouß davor, mir lebm halt unsern Traam.

Mir gebm da deitschsprachigen HipHop-Szene an völlig neia Style,
ähnlich wäi die gschätzten Kollegen aus Österreich und da Schweiz.
Warum sollt des bei uns niard klappen, wos dou scho länga gäiht?
Wou Dialekt anarscht wäi bei uns a wengl häicha stäiht.
HipHop is ja eigentlich ursprünglich a Minderheiten-Ding,
im Gegensatz zu heidzadoch, wou jeder die gleichen Dinger bringt.
Ghetto-Style find'e zwar ganz lustig, werd's mit uns ober niard dalebm
oder habts ihr bei uns im Landkreis wou a Ghetto scho mal gseng?
Und wenn mas genau sigt, mach ma a Rap und koin HipHop,
des blouß mal sua am Rande, falls se jemals oiner frougt.
Neba hoarta Oarbeit woa die ganze Aktion jedenfalls ein Spaß.
Des woar unsre erste Blatten, servus! Hey yo, ich bin äitz drass!

Also, schauts a mal vorbei...

Unsre Lieda san für Bauern, däi...

Also, schauts a mal vorbei bei myspace/segamandib
oder einfach a bei unserm Label hawkhillrecords.de
Dass bei uns fett wos gäiht, hey Leit, des kinnt's fei glam,
vielleicht liegt scho bald as nächste Album unterm Weihnachtsbahm?



Braune Brout

Ich wüll as Beste für mei Land, ich wüll as Beste für jedermann,
wüll selbst as Beste für eich Deppen, a wenn ma eich niard helfen kann.
Wenn's unbedingt an Stress wollts, hauts eich selber d'Fotzen ei
oder fangts halt einfach mal wos Sinnvolls oa mit eira Zeit.
Immerzou blouß am abloosen sa und alles af anere schäibm,
Ihr macht ses eich scho furchtboar einfach und bequem in eiam Lebm.
Gemeinsam sats Dirts stork und alloar habt's d'Hursen vull
und eier uniformiertes Street-Outfit des is ja sowos vo cool.
Ober sua einfach is des leider niard, das ma eich immer glei dakennt,
dou gibt's scho nu die anern, däi dou san im schäina Hemd.
Däi lachen se in's Faistl, wenn's seng wäi'ds dirts nouchelafts.
Dirts sats da ultimative Beweis, vorm Menschen kummt da Aff.
Für unsere Heimat wollts dirts kämpfen, dass'e fei niard lach!
Des is ohne eich vül schäina dou, ihr werds vo nemats bracht.
Häitt's eich damals sua afgfäiart, däi häin eich glei verrammt.
Na, ihr sats koar Ehre, ihr sats a Schand fürs Vaterland!!

Nazigschwerl, Nazigschwerl, schauts dass'ds eich endlich schleichts!
Nazigschwerl, Nazigschwerl, eich macht mas vül zu leicht!
Nazigschwerl, Nazigschwerl, doch ich zäich mein Hout:
Wer suavüll Dummheit offen zeigt, der braucht scho ganz vüll Mout!
Nazigschwerl, Nazigschwerl, schauts dass'ds eich endlich schleichts!
Nazigschwerl, Nazigschwerl, eich macht mas vül zu leicht!
Nazigschwerl, Nazigschwerl, dou lang'e ma doch an's Hirn!
A richtig gstandner Deitscher is gwieß niard sua wäi ihr!

Dou liegt ma krass nu wos im Mong und zwar schwar wäi Blei.
Wäi kann's grouß anarscht sa, ich red vo unsra Polizei.
Frale, man braucht däi Boum und Moidla, des is äitz niard die Frouch,
ober manche vo dene san scho wirklich wenga Seng als Flouch.
Beispielsweise wenn a Rastatyp an da Aral umasitzt,
wird der vo die Herrn in Grün glei bis af d'Unterhursen gfülzt.
Ou, der kannt ja wos klaut hom oder vielleicht houd'a wos zum Kiffen?
Ober wenn a Bus vull Skins am MC stäiht, dou wird die Flucht ergriffen.
Dou is'a dann vergessen da Hunga, dou hau'as d'Schleif gschwind ei.
Wos ober des braune Gesocks dann treibt, des is egal, ja mei.
Wenn däi dann die Gäste bläid oamachen des brauchen's dann niard seng
und a niard wenn's drin oafanga die ganze Bude zu zerleng.
Wäi ich lange Hoar ghabt ho, woar da Freund und Helfer wöchentlich am Start.
Kam woar mei Matten herunt, hob'e a koi Probleme mäina ghabt.
Scheissegal, iber d'Cops dou kannt'e nu a ganz eigens Liedl singa.
Ober froung mou'e mi manchmal scho af welcha Seiten dass däi stenga?

Nazigschwerl, Nazigschwerl, ...

Mir kenna Leit as allerwelt und ming däi a recht gern.
Niard blouß aloi desweng woll'ma des äitz mal louswern.
Ich kann's halt einfach niard verstäih, wäi ma ner sua bläid sa koar.
In da Schöll woar doch jeder mal, zumindest a boar Joar.
A wenn ma dou vül Schmarrn lernt, Gschichte war halt wichtig gwen.
Leider gibt's a solche Leit, däi einfach niemals gscheida wern.
Wos damals alles sua abganga is, des mou'e wohl koin erklärn,
ober trotzdem gibt's sua Deppen, däi die gleichen Parolen wieder blärrn.
Und vom Führer tram'as, der's ganze Land mit unte grissen hout.
Des check'e einfach niard, warum habt's af dern Wichser koar Wout,
af sua an reidichen Verräter, wäi's koin Zwoarten sua schnell gibt.
Des basst irgendwäi niard zam mit oin, der sei Land angeblich liebt.
Ober ich mog mei Heimat, mog mei Land und leb dou a voll gern.
Desweng mecht ma a in Zukunft vo eich Deppen nix mehr hern.
Ober dass des leida nu sua weiter gäiht, Leit, des woiss'e eh.
Zumindest ho'ma mal unsere Meinung gsagt: Segam & Andi B.

Nazigschwerl, Nazigschwerl, ...



Meine Metzgerei

Mein Schräidl, meine Knacker, mein Schinken,
mein Presssack, mein Leberkas, meine Mettwurst, mein Speck,
meine Weiswirscht, mein Herz, meine Leber, meine Lunge
krieg ich alles beim Metzger um's Eck.
Mein Schräidl, meine Knacker, mein Schinken,
mein Presssack, mein Leberkaas, meine Mettwurst, mein Speck,
meine Weiswirscht, mein Herz, meine Leber, meine Lunge
krieg ich alles beim Metzger um's Eck.

Du mit Deiner Ökokost lachst mich aus,
weil Du denkst, Du hast alles was du brauchst.
Doch in der Metzgerei um's Eck scheint mir die Sonne aus'm Arsch,
weil da stopf ich mich morgens bis abends voll mit Leberkas.
Hier krieg ich alles, ich muss hier nicht mal weg.
Hier krieg ich Polnische, Wiener und Speck.
Die Vegetarier können kommen, doch jeder weiß bescheid,
keiner will die sehn also könn'se wieder gehen.
OK, ich muss gestehen mir ist Schwein lieber als Pute.
Doch immerhin besser als so'n blöder Salat mit Gurke.
Mein schöner Bauch wird zwar langsam fett wie ne Sau,
drauf geschissen irgendwann heirat ich eh die Metzgersfrau.

Mein Schräidl,...

Der Typ hinter der Theke ist der Sohn vom Metzgermeister.
Immer wenn er mich sieht, schenkt er mir gleich Pfefferbeisser.
Er isst oft mit seiner Mutter ein Schräidl Greicherts.
Danach geht's meist gleich ab zum Bauchspeckreichern.
Der Hahne aus der Nachbarschaft kauft nur Därme.
Er sagt, darin eingewickelt spenden sie ihm die beste Wärme.
Obwohl wenn er kommt, er immer so aussieht, als wenn er sie gerade frisch auszieht.
Und davon könnt ich Dir ein Lied singen, dass kannst mir glauben.
So wie die Jungs von der Gräimfettgang, die auch immer da sind.
Genauso wie der Mane, der alte Grillfreak,
der sich zum Frühstück erst mal 10 Boar Broutwirscht reinzieht.
Dann geht er rüber hinter zur Theke,
er bezahlt für 10 zehn Teile doch statt Steaks kriegt er nur Leber.
Damals erfolgte die Fleischlieferung noch jeden zehnten,
jetzt öfters, sonst könnt ich gar nicht überleben.

Mein Schräidl,...

Hier kriegst Du alles.
Um 12 Uhr mittags kriegst Du für wenig Geld Putenkeule und Grillsteak.
Ein Stock höher hat so'n Kerl sein Musikstudio.
Legt der los, schreit der Meuster glei: Drah Dei Gedudel o!
Ganz zur Freude der Hausfrau darüber,
die sagt: "Knacker schmecken auch nicht mehr wie Wiener"
Deshalb trifft man sie oft in der Schlachterei,
denn da keit sie frischen Leberkasbrei am liebsten ei.
Wenn ich Hunger hab, brauch ich Ede nicht lange bitten,
sofort hat er mir eine Semmel aufgeschnitten.
Denn das Schnitzel kommt meist frisch vom Schlachten.
Am liebsten würd ich eh in der Auslage übernachten.
Draußen neben der Abfalltonne riecht der Flur voll streng,
wo so ne Rindshaxe auch schon seit 3 Wochen hängt.
Ich häng im Verkaufsraum rum bei meinem Speck
in meiner übergeilen Metzgerei, glei um's Eck.

Mein Schräidl,...



A schäina Bam!

Alle Joua wieder gitt's Broutwirscht mit Sauerkraut,
bevore dann an Doch draf Goans mit Spoutzn hinte hau.
Wos fir a Freid is des a jeds Joahr, a jeder hout an schäina Baam,
vüll schäina als vo alle anern, man mecharts fast niard glaam, a schäina Bam!
A sura schäina Bam!
A sura schäina Bam!
A sura schäina Bam!

Iberall dudelt Weihnachtsmucke, des halt'st ja fast niard as.
Dou wirst sua richtig bläid davor, dass'd alles a schäi kafftst.
Kinder kräing die Gschenka sogweis, a jeder bringt wos mit,
wal es zum Glick niard sua is, dass scho gnouch Klump ummaliegt.
Kam is as Festl umme, gäiht da Stress numal richtig lous,
wal'st vo dem wos'd kräigt houst, d'Hälft umdauschen moust!

Alle Joua wieder...

Weihnachtsgräiss kräigst vo iberall, a jeda lout vo sich wos häiarn.
Is scho recht, a wenn sa se as ganze Joua nimmer räiarn.
Vüll Alte san a ganz alloi, koina scheisst se um däi wos,
"warum a?" denkt se mancher, "däi beissen bal in's Gros!"
Fir's Wei brauchst nu a Gschenk, (oh leck) schnell wird in Lodn eine g'spurt,
doch kurz noum Halichen Oumd, is die Alt dann damit furt.

Alle Joua wieder...

A hafats Leit gäiht's schlecht, desweng wird a reichlich g'spend.
Mou scho sa, wenn unterm Joua fast koina an sie denkt.
Vül renna a in d'Kirchen, wäi wenn's dou umarasinst wos gitt.
Komisch is halt ner, dass ma's an Sunnta draaf durt nimmer sigt.
Im Fernseh an die Feierdach is alles schäi und gout,
doch spätestens ab zehrne oumds, spritzt wieder gscheit as Blout.

Alle Joua wieder...

Ach wäi is harmonisch, die ganz Verwandtschaft flackt mit dou,
ober wenns dann wieder furt san, dou braucht ma dann sei Rouh.
D'Plätzla koarst scho nimma seng, Dir bappt as Maal scho zamm,
trotzdem gibt da d'Oma nu a Fouda vull mit ham.
Oba bal dou is sua weit und hoff'mas ganz in weiss.
Also frohes Fest, an guaden Rutsch und a gsunds Neis!



Schnoungkrippl

Schwitzen dou’e wäi a Sau, mei is des Wetter schäi.
Dou schirr’e gschwind af d’Kipp oi, bevor’e nu vergläih.
Des is as Beste wos’e dou koar, wal heind dou hob’e frei,
drunt oakumma, hupf‘e zerscht in’s Hirsl und dann ins Wasser ei.
Bouh, doud des goud, a sua a schäins frisch Gfühl,
doch her’e scho wos neba mir, des wos mi ärchern wüll.
A ganze Hart vull Schnoung schwirrt bei mir ummanand
Zefix, des bläide Väichzeich furta, des is fei allerhand.
Dou dauch‘e zerst mal o, doch bringt ma des niard vül.
wal wäi’e wieder afdauch, san’s nu genausua vül.
Also, lod’e durch vor Wout und schloch a mal gscheit zou,
doch anstatt dass‘e däi Schnoung dawisch, triff‘e an kloin Bou.
Der bäigt glei lous vor Wäihding, ich ho an droffen voll in’s Gfrieß,
vo Glick kann’e nu redn, dass’a ma niard ogsoffen is.
Sei Alten kumma a scho grennt und deifeln af mi ei.
Ich schau, dass’e furt kumm. Ach, wäi is da Summa geil.

Da Summa is scho geil, hout ma se im Winter denkt,
doch hout ma koin Gedanken an däi Drecksschnoung dou verschwend.
Äitz kannst’e verrenken, dass’d wos vom Summa houst.
Ach, wenn’s ner wieder Winter war, denk’e ma äitz blous.

Also, fohr’e wieder hamm, des woa ma äitz echt zu bläid.
Dou roufm mi scho die ersten oa und froung wos oumds sua gäiht.
„Wos däi’ma denn a weng, as Wetter is schäi, mir kannten grülln,
oder dahint am Muhagl a Lagerfeier schirrn.“
Guad asgmacht, pünktlich oumds um achte wirch’e lous,
nimm mein alten Grüll mit, zefix , is der vul Rous.
Ah, fir däi Bagage daugt’a, Alufolie wern’s scho hom,
ansunsten kann’e a niard helfen, warum sollt ich furt alles trong.
Ich kumm oa, begräiß die Leit und mach a Halbe af,
froung’s scho: „Houst Du an Autan dabei, mir häin a weng oin bracht.“
Bevor’e me grouß afreng koa, warum sa se immer sua bläid oastelln,
Spihr’e af da Blattn hint im Knack die erste Angriffswelln.
Hundsvereckte Schnoungkrippl, Sakrament, däi reng mi af,
irgendwann kaff’e ma as Autan pfundweis und reicher alle as.
An Grülln woa niard zu denken, desweng spring’e in’s Auto ei.
Ich schau, dass’e furt kumm. Ach, wäi is da Summa geil.

Da Summa is scho geil...

Wäi’e sua dahifoahr, merk’e wäi as Bäia scho schäi schäibt.
Dou halte läiber oa, bevor’s am Autositz nu gäiht.
Ich souch ma a schäins Bäiml und backan a glei as.
Kam lousglegt, hockt da erste Schnoungkrippl a scho draf.
Dou kann’e flouchen wos’e wüll, der gäiht einfach niard weg.
Ich schidl a weng um und ho af da Hursn glei an Fleg.
Des hout se rentiert, leck me am Arsch, des hob’e kinnt.
Naja, sua langs niard iber’s Hursaboa in Sturzbäch unte rinnt,
is alles halb sua wüld, des tricknat scho, hob’e ma denkt.
Bis’es dann endlich gspihr, wäi’s af da Kopern richtig brennt.
Eigentlich woa’s ja klar, dass der schneller sticht als wäi ich schiff’.
Ich hob ma halt einfach eibüld ich ho die Lage scho im Griff.
Wou oina is, dou san nu mehr, dou kumm’as a scho gflurng.
Äitz langt’s ma, back’an ei und hupf zum Auto in an groußn Burng.
Niard a mal wou schiffen kannst, des gäiht ma goar niard ei.
Ich schau, dass’e furt kumm. Ach, wäi is da Summa geil.

Da Summa is scho geil...

Endlich bin’e daham, hob ich a Wout, dou leckst mich fett.
Eigentlich wüll’e ner mehr sua schnöll wäi’s gäiht in mei Bett.
Butz nu gschwind mei Zähr und mach as Fenster numal af,
wal da Mensch zum Schloufen, a frische Luft im Zimmer bracht.
Wäi’e dann drin liech, du her’es, mir haut’s d’Knäihscheim fast davor,
beim Lüften woa da Rollo niard herunt und’s Läicht dazou nu oa.
Des kann doch alles niard woua sa, wos hob’e denn schlimms dou.
Leit, ich wüll doch einfach bittschäi mal ner mein Rouh.
Ich hul an Fläingblescher, drisch af alles ei wos’e bewegt,
völlig wurscht, wenn’e dabei die ganze Bude mit zerleg.
Halt des woa die Katz, hinterm Bett dou bäigt’s ganz wäich.
So, dirts däiarten Schnoungkrippl, mir san mitnand im Kräich.
Es kracht und schebart, dout und blescht, af oamal is ganz stat.
Ich glab, eitz hob’es alle dawischt, wal’se sunst nu wos räiarn dad.
As Zimmer gleicht an Trimmerhaffen, ich hau me in’s Bett ei,
schau, dass’e eischlouf. Ach, wäi is da Summa geil.

Da Summa is scho geil...